Restaurantguiden

I morgon vert det eksklusiv torsdagsmiddag på kaféen: Heimelaga biffkarbonadar, omnsbakte krydderpoteter, kantarellstuing og grøn salat. Dessert: Vaniljeis med lune, hermetiske moreller. 🍒Vanleg torsdagsope: Kl 14 -18.

Travle tider, både måndag og tysdag har gått med til maling av utescene m.m., difor litt sein oversikt over resten av vekesprogrammet. Men her kjem det: *Onsdag 28.: Seniorsamling *Torsdag 29.: Middagsservering kl 14 -18 : Biffkarbonadar m/kantarellstuing og omnsbakte poteter. *Fredag 30.: Stengt *Laurdag 31.: Stengt/førebuing til "kyrkjekaffi" sundag *Sundag 01.: Ca.kl. 1300: Samling på kaféen etter siste gudstenesta Tone Marit har i Masfjorden. Arr. i samarbeid med soknerådet.

Av og til er eg heldigare enn eg har lov til 🍀 Her har kaféen fått ein heil kasse med skogens gull opp i nevane 😊. Dermed vert det heimelaga biffkarbonadar med kantarellstuing på menyen torsdag, og ikkje fiskegrateng som annonsert. Slike flotte råvarer må utnyttast medan dei er ferske!

Ferdig grunna!👍Og har du ein time å avsjå i morgon ettermiddag/kveld er du hjarteleg velkomen til å vera med å måla😊 Og skikkeleg målararbeid er mykje kjekkare enn å skrapa og grunna, som tida har gått med til i dag.

Ein må smi medan jernet er varmt...Er det nokon som kan tenkja seg å vera med og måla utescena i morgon ettermiddag? No er det for første gong på lang tid meldt to dagar med fint ver på rad.🌞🌞 Måling og penslar står klart 😊

Så var kaféen plutseleg okkupert av NRK...

Til forrige raspeballmiddag vart det servert Evangerkorv. I morgon får du korv som er endå meir kortreist; frå Frøyseth Gardsmat. Hovedingrediens er kalv, og feittinnhaldet er berre 10 %. Denne må du smaka! Eg har ein del bestillingar, men tek imot fleire inntil kl 10 i torsdag føremiddag. (I tillegg til korv får du som vanleg salt lammekjøt, kålrabistappe og bacon til komlene.) Opningstid som vanleg kl 14 -18.

Då har kokken kost seg med denne luksusvarianten av kvardagsmat til lunsj: Plukkfisk m/ masse god lettsalta torsk, purre, steikt bacon, hardkokt egg og litt grønt. Rista, heimebakt grovbrød til. Vil du ha slik lunsj, er det berre å troppa opp på kaféen ein gong mellom kl 1130 og 1530, og velkomen skal du vera! 😊

Denne veka = "kortveke" med slikt program: *Onsdag 21.: Lunsj kl 11.30 -15.30. På menyen: Plukkfisk på heimebakt grovbrød, toppa m/ friske urter og sprøtt bacon *Torsdag 22.: Etter NRK Hordaland si partiutspørjing av listetoppane i Masfjorden, kan du koma på kaféen og få deg ein god komlemiddag, - fri for valflesk 😊Velkomen til både politikarar og andre! Fint om du gjer eit ord på førehand!

Kva gjer det om det høljar ned ute? Inne på kaféen er det varmt og fargerikt etter at konsertstolane er rydda vekk og rommet normalisert att. Fargerik og og med varme kryddersmakar er middagen du kan få også: Orientalsk gryte med svinekjøt og kylling. Velkomen! Ope kl. 15 -18.

Det vart akkurat så vakkert som me håpa på. Ein veldig triveleg kveld på kaféen. Tusen takk til ReSouza, May Frida, Lars, Jaran, og til alle dykk som kom og høyrde på! Veldig kjekt også at så mange vart verande utover kvelden! 😊

I morgon, sundag, kan du få deg ei smaksrik orientalsk gryte på kaféen, med kylling, svinekjøt og masse gode grønsaker og krydder. Ris til. Kaffikoppen etterpå er som vanleg gratis, og vil du ha noko attåt, kjøper du kanskje eit heimelaga wienerbrød med bringebær. Gje gjerne eit ord på førehand, og NB: Opningstid kl. 15 -16.

Då har eg fått inn fleire av dei nydelege kunstkorta av Birte Lohne.

Då spørst det kva som freistar mest: spesialfocaccia med brie og serranoskinke, eit stort, saftig ostesmørbrød eller kanskje rett og slett eit nysteikt wienerbrød med bringebær og ein kaffikopp? (Focacciaen vart litt tung, men smaken er fortreffeleg!) Ope kl 1130 - 1530.

I morgon, onsdag, kan du få smaka ei litt annleis focaccia på kaféen. Soltørka tomat er bytt ut med solmodne blåplommer, men brødet er elles laga på ganske vanleg vis med m.a. rosmarin og salt på toppen. Du vil få det servert fylt med brie (ev. blå castello) og serranoskinke. Synest du dette høyrest sært ut, har eg store, saftige pizzasmørbrød på lur...Velkomen i tida mellom kl 1130 og 1530!

Denne veka: Måndag 12.: Ope kl 15 -19 i samband med minnemarkering for forliset av DS Masfjord. Sal av betasuppe, kaffi og vaflar. Tysdag 13.: Stengt Onsdag 14.: Lunsjservering kl. 11.30 15.30: Pizzasmørbrød/fylt focaccia Torsdag 15.: To lukka tilstellingar, ikkje ope for andre Fredag 16.: Stengt Laurdag 17.: Konsert med reSouza kl. 19.00 Sundag 18.: Middagsservering kl. 15.-18. Meny vert annonsert seinare.

Heisann! Plutseleg kom der eit stort, lite brukt, solid fotballspel inn døra til kaféen. Her kan det bli både cup og seriespel, både på pubkveldar og elles. Slik går det når snille naboar held opprydding! 🍀

Så kjekt å kunna snu skiltet rett veg att! Velkomen!

Det går smått om senn mot litt kjølegare tider: På kaféen er der no reine sokke-bonanzaen: Solide, originale og fargerike lestar i både herre- og damestorleik. Dei mest originale er hyttesokkane med utedo med ❤ i døra! (Sokkane til venstre) Flotte gåveartiklar! Ikkje fårleg når ein har ein slik strikkeekspert som svigerinne Aud Opheim Lygre som fast sokkeleverandør! 🍀

Då er ferien over for kaféverten, og på onsdag og torsdag kan du på ny få deg eit godt måltid på kaféen. Meny og opningstider: *Onsdag 7.: Fylte paprika, salat og godt brød. Ope kl 11.30-15.30 *Torsdag 8.: Raspeballar. Ope kl.14 -18 Bringebærkake. Velkomen!

Det vart akkurat så vakkert som me håpa på. Ein veldig triveleg kveld på kaféen. Tusen takk til ReSouza, May Frida, Lars, Jaran, og til alle dykk som kom og høyrde på! Veldig kjekt også at så mange vart verande utover kvelden! 😊

Uanonnsert festspelkonsert på Sandneskaféen i dag! Ja, du las rett! Seniorsamlingane på kaféen vert alltid avslutta med eit innslag frå Masfjorden kulturskule. Som regel er det dyktige elevar som på denne måten gler dei eldre. Men i dag kom kulturskulelærar (og profesjonell pianist!) Jørn Skauge direkte frå Troldhaugen der han har halde 20 Grieg-konsertar under årets festspel, og overraska alle med same konserten 🍀 (Litt avkorta, men ikkje mykje.) Det var tonar og inntrykk å ta med seg inn i sommaren no som samlingane tek pause til september.

Nei, så vart det ikkje ute-Beatles-kveld, likevel. Det vart i staden ein innandørs-intim-Beatles-kveld som tok pusten av dei fleste. Tilreisande publikum nekta omtrent å tru at dei fire karane på scena ikkje speler saman til vanleg, og at gjesteartistane berre stilte opp "for anledningen". (Solist på Yesterday: Sigrid Tveit Mjanger.) Ein kveld me kjem til å bera med oss lenge! 🎶

Om ikkje kaféverten/kåno kunne ta opp videoar av konserten fredag, har eg heldigvis fått tilsendt mange fine. Takk, Dina og Arild!

Ein aldri så liten videosnutt frå Terje sin konsert.

Utruleg fin konsert på kaféen i kveld. Ikkje minst var det flott å høyra Boris på trombone.

Gitaristar av ulik årgang sjarmerte på seniorsamling i dag. Slik underhaldning får du nok ikkje på kaféen i morgon. Det du derimot får, er mors kjøtkaker med det som høyrer til. Og om du vil, kan du få karamellpudding til dessert.

Voss har Vossajazz, Sandneskaféen har Skaugejazz 😀

For ein kveld det vart på kafeen i går!!! Magisk stemning med uendelig mykje flott musikk og flinke folk på scena. Ein stor tommel opp til alle dykk som var med på å gjere dette til ein uforgløymeleg kveld ,enten du var der som musikar eller publikum! 😊